دیداری نێوان د. عەلی قەرەداغی و د. عەلی ئارباش: بانگەوازێک بۆ نوێکردنەوەی خۆشەویستی پێغەمبەر (د.خ)

ئەمڕۆ، پڕۆفیسۆر دکتۆر عەلی قەرەداغی، سەرۆکی یەکێتیی جیهانیی زانایانی موسوڵمان، بە شانازییەوە لە نوسینگەی تایبەتی بەڕێز شێخ دکتۆر عەلی ئارباش، سەرۆکی کاروباری ئایینی تورکیا، پێشوازی لێ کرا. ئەم دیدارە گرنگە چەندین تەوەری سەرەکی لەخۆگرتبوو، بەتایبەتی تاوتوێکردنی کۆنفرانسێکی جیهانیی کە بڕیارە لە ئایندەدا ئەمساڵ بەڕێوە بچێت. ئەم کۆنفرانسە بە تایبەتی بۆ زیندووکردنەوە و بڵاوکردنەوەی خۆشەویستی قووڵی پێغەمبەری مەزن، حەزرەتی موحەممەد (دروودی خوای لێبێت)، تەرخان کراوە.

گفتوگۆکان بە شێوەیەکی چڕ و پڕ جەختیان كردەوە لە پێویستی دووبارە خۆبەستنەوە بە خۆشەویستی پاکی پێغەمبەر (د.خ) و لابردنی هەر ساردی و سڕییەك کە لەوانەیە بەسەر ژیاننامە پڕ لە هیوا و بۆنخۆشی ئەو زاتەدا هاتبێت. پ.د. قەرەداغی و د. ئارباش هاوڕا بوون لەسەر ئەوەی کە خۆشەویستی پێغەمبەر (د.خ) سەرچاوەی سەرەکی زیندووکردنەوەی دڵەکان و ئاسوودە کردنی گیانەکان و بەرزڕاگرتنی ڕەوشتەکان و گەڕاندنەوەی پاکییە بۆ دەروون و ئارامییە بۆ کۆمەڵگاکان.

لە درێژەی ئەم هەوڵە پیرۆزەدا، ئەمڕۆ لە شاری ئەنقەرەی پایتەختی تورکیا، کۆنفرانسێکی جیهانیی بەرفراوان بەڕێوە دەچێت. ئەم کۆنفرانسە لەژێر چاودێری و بە ئامادەبوونی بەڕێز سەرۆک کۆمار ڕەجەب تەیب ئەردۆغانە و بۆ یادکردنەوەی تێپەڕبوونی هەزار و پێنجسەد ساڵە بەسەر لەدایکبوونی پێغەمبەری مەزن (د.خ). ئەمە وێستگەیەکی مێژوویی و دەگمەنە کە پەیامێکی گرنگ و بەنرخ بۆ هەموو جیهان هەڵدەگرێت: خۆشەویستی پێغەمبەری خودا (د.خ) بنەمای سەرەکییە بۆ بونیادنانی بەها بەرزەکان، چەسپاندنی ڕەوشتە جوانەکان و نوێکردنەوەی پەیمان لەگەڵ ئەو پەیامە ئەبەدییەی کە وەک ڕەحمەتێک بۆ سەرجەم جیهان نێردرا.